عن 4level1

منهجنا

منهجنا اللى بيتطبق معاك خلال 6 شهور اسمه Skills for life وده بيتدرس بره للمهاجرين واللاجئين اللى ما عندهمش اى خلفيه عن اللغه فى الدول اللى لغتها الاولى انجليزى زى امريكا وانجلترا وكندا ، المنهج ده هيديك خلاصة اللغه فى كل مواقف الحياتيه اللى هتقابلك فى حياتك وفى شغلك وفى سفرك ، ومصمم بطريقه علميه اسمها ( التدرج اللغوى) بمعنى اننا فى كل مستوى بنعرضك لمواضيع حياتيه تتدرج من الاسهل للاصعب فى نفس الموضوع علشان نضمن ان فى كل مره قدرة الطالب بتزيد فى التعبير عن نفس الموضوع بتفاصيل اكثر لحد ما يتقنه ولما يتعرض ليه فى اى موقف حقيقى يلاقى نفسه بيتكلم بأريحيه كامله لانه درس الموضوع بطريقه علميه منظمه فعقله قدر يستوعبها ويطبقها بصوره عمليه .

منهجنا

أهدافنا

ف 4level1 هدفنا نوصل الطالب فى 6 ل فى اى موقف من مواقف الحياه اللى بتقابلنا فى الشغل والحياه العامه وفى السفر ، وده بتركيزنا على الجوده جوه وبره الفصل …. جوه فصولنا عدد الطلاب 6 بس فلو حسبنا هنلاقى ان متوسط ممارسة الطالب فى المره بيكون 5 اضعاف الطالب اللى بيحضر فى العدد الكبير …فتمارسوا اللى بتسمعوه ولسانكوا يتعود على الكلام ، وبره الفصل لازم نخليك تمارس علشان ثقتك فى نفسك تزيد .. فأبتكرنا فكره بسيطه وسميناها مكالمة الثقه ودى ببساطه مكالمه على موبايلك بتجيلك تانى يوم من المدرس بعد كل محاضره بتراجع وتمارس اللى انت درسته فى الفصل بس من بيتك او من اى مكان …

أهدافنا

ايه الضمان انى هوصل فى 6 شهور

وعدنا للطالب بيكون Smart Goal يعنى ( محدد – وقابل للقياس – وسهل الوصول ليه – وواقعى – محدد بوقت زمنى ) . من صفات اى هدف انه :

1- يكون محدد : ف 4level1 قسم التأسيس : وعدنا لاى طالب مهما كان مستواه يوصل فى 6 شهور او اقل لمستوى محدد فى الانجليزى والاسم العلمى للهدف ده ( Independent user ) يعنى طالب مستقل لغويا بيقدر يعبر عن وجهة نظره كامله بتكوين سليم للجمله وبيقدر يفهم الشخص اللى بيتكلم قدامه حتى لو اجنبى ويكون عنده القدره على استخدام اللغه بدون الاحتياج لمساعدة اى شخص .

خصائص هدفنا

2- يكون قابل للقياس : وده معناه ان الطالب نفسه بيقدر يقيس مدى تقدمه مع كل مستوى بيخلصه ، من خلال مروره بنفس الاختبار الدولى اللى اتعرضله اول مره ووصله لليفيل 1 ، فيقدر الطالب لما يمر من الاختبارين ( الكمبيوتر والشفوى ) ويمر بنفس الاسئله اللى ما قدرش يتعامل معاها قبل ما يدرس ليفيل 1 وينجح فى الاختبار ويروح لليفيل 2 بدون تدخل بشرى ومن خلال معايير دوليه ، هتبقى مستوياتنا قابله للقياس فى كل مرحله .

3- سهل الوصول ليه : بتطبيق منهج بيعتمد على مهارات الحياه اليوميه اللى بنحتاجها واللى اسمه ( Skills for life )

4- واقعى : ف 4level1 لو وعدناك انك فى 6 شهور هتبقى زى الاجانب او حتى فى 16 شهر فأعرف ان ده هدف غير واقعى طبقا لكلام علماء اكتساب اللغه الثانيه ، اللى بياكدوا ان اى شخص محتاج يوصل لمستوى الشخص اللى لغته الام الانجليزى هيحتاج من 7 ل 9 سنين ، لكن الهدف الواقعى اننا من خلال تأسيس سليم فى 6 شهور واستمرار ممارسه اللغه بعد كده سواء من خلال 4level1 بنظام من خلال برنامج تطوير اللغه او من خلال منحه مجانيه بنديها لطلابنا تعلمهم كيفية تطوير الغه بدون مساعدتنا او مساعدة اى مكان بيدى كورسات لان 6 شهور هيحطوا الطالب على الطريق الصحيح .

5- محدد بوقت زمنى : فى 4level1 عدد مستوياتنا 6 ، المستوى شهر كامل 20 ساعه فى الشهر ، المره بتكون ساعتين ، ويومين كل اسبوع ، وعدد الطلاب فى المجموعه بيكون 6 فقط لضمان وصول الطلاب وتحقيقيهم لنفس المهارات والاهداف كل مستوى . وده بيخلى 6 شهور كافيين لوصول الطالب لمستوى فوق متوسط حتى لكان مستواه ميح .

برضة اية الضمان ؟

الضمان اللى 4level1 بتقدمه ان الطالب مع كل مستوى لو ما حققش الاهداف والمهارات اللى بنوعده بيها من كل مستوى ، من حقه انه يعيد المستوى مجانا تماما مرات ومرات لحد ما يحقق الاستفاده المطلوبه ، والشرط الوحيد اللى بنطلبه لتنفيذ الضمان هو التزام الطالب بالحضور فى مواعيده والالتزام بالحد الاقصى للغياب وهو مره او ثنين فقط شهريا ولو تعدى اكثر من مرتين بيعيد المستوى على حسابه الشخصى

كيفية التقييم السليم لطلابنا

لتقييمات الدوليه من أهم التقييمات اللى بتحدد مستوى الطالب بشكل سليم وبتساعده يوصل للهدف اللى عايز يحققه من اللغه بشكل افضل واسرع وانه يبدء بدايه مظبوطه ويكمل صح فى طريقه ، علشان كده بنعتمد فى تقييمنا على معايير اسمها CEFR ، بنقدر نقيس مستوى كل طالب بالمعايير ديه فى ال4 مهارات ( قراءه وكتابه وسمع وتحدث ) .
قوة المعايير الدوليه ان مرجعيتها بناها علماء أكتساب اللغه الثانيه بناءا على المهارات الحقيقية للطالب ، والمهارات يعنى قدرة الشخص الحقيقيه فى استخدام اللغه بدون التركيز على الجانب النظرى منها ، يعنى لو شخص حافظ كل كلمات الانجليزى وعمل الامتحان ده ، التقييم هيقيس مستواه بناءا على مهارات استخدام اللغه فى الحياه بشكل حقيقى فى الاربع مهارات .

التقييم

اتصل بنا

بيانات الاتصال

01092014178 - 01092014178 - 01005654580
01205221323 - 01124465582
فرع الدقي : 10 ميدان المساحه - عمارة ماكدونالدز - الدور الاول - المدخل الادارى المواجه لمدخل فندق سفير
فرع مدينة نصر: السراج مول 1 مدخل 1 الدور الأول أعلى ماكدونالدز